Jarumi Abdul Saheer Ali Kwana Casa'in ya dawo cigaba da sana'arsa a masana'antar shirya fina-finai ta Kannywood,

Jarumi Abdul Saheer (Malam Ali Kwana Casa'in), ya dawo cigaba da sana'arsa a masana'antar shirya fina-finai ta Kannywood, bayan fahimtar juna tsakaninsa da shugaban hukumar tace fina-finai da dab'i ta jihar Kano, Abba El-Mustapha. 

A watan Nuwambar shekarar 2023 ne hukumar tace fina-finai da dab'i ta jihar Kano ta dakatar da jarumin daga fitowa ko alaka da harkokin fim din Hausa har na tsawon shekaru biyu, biyo bayan korafe-korafen da aka yi a kansa na cewa yana yada bidiyon batsa a kafafen sada zumunta, zargin da ya musanta tun a wancan lokacin.