Majalisar dattawan Najeriya ta tsige shugaban CCT, Danladi Umar, bisa zargin rashin da’a

 Majalisar dattawa ta tsige shugaban kotun da’ar ma’aikata, Danladi Umar, bisa zarginsa da aikata ba daidai ba.

Daga Abbakar Aleeyu Anache

An yanke wannan hukunci ne bisa ga sashe na 157(1) na kundin tsarin mulkin tarayyar Najeriya (1999, da aka yi wa kwaskwarima), wanda ya baiwa majalisar dattawa ikon tsige wasu manyan jami’an gwamnati bisa bin ka’ida.

Korar ta biyo bayan zaman rufa-rufa ne wanda ya dauki tsawon awanni daya da rabi.

Bayan dawo da zaman majalisar, majalisar dattawa ta sanar da cewa sama da ‘yan majalisa 84 ne suka goyi bayan matakin.