Gwamnatin jihar anambra ta ceto ‘yan mata 24 da aka yi safarar su domin yin karuwanci, tare da rufe gidajen karuwai
Jihar Anambra ta rufe gidan karuwai a Awka tare da kubutar da ‘yan mata 24 da ake fataucinsu da karuwanci wadanda shekarun su tsakanin 13 zuwa 27.
Rundunar Operation Clean And Healthy Anambra, OCHA Brigade ta Yuletide 24/7 a karkashin jagorancin Manajan Darakta na hukumar, Comrade Celestine Anere sun kai farmaki gidan karuwan da ke kan shahararren titin Club a Awka.
Wadanda abin ya shafa sun ba wa ABS bayanin yadda manajan gidan karuwai ya tilasta musu shiga aikin kuma aka kulle su a cikin dakuna daban-daban.
Sun yabawa gwamnatin jihar da ta sake su.
A wani ci gaba mai alaka da wannan, rundunar ta OCHA brigade ta kuma kai samame a karkashin kasa a kan titin daya inda wasu da ake zargin barayi ke amfani da su a matsayin cibiyar bada umarni wajen safarar miyagun kwayoyi da kuma yin fashi.
Rundunar a yayin farmakin ta kuma gano wasu makaman da aka kera a cikin gida.
Da yake zantawa da ABS, Kwamared Anere ya bayyana kudurin dokar na tsaftace jihar daga duk wani nau'i na masu aikata laifuka da suka dukufa wajen ganin jihar ba ta da mulki.
Ya kuma ba da tabbacin cewa OCHA brigade kasancewar ta a hukumance na gwamnatin jihar a shirye take a koda yaushe wajen tabbatar da doka da oda a jihar sannan ya yi nuni da cewa gidan karuwan da aka rufe zai ci gaba da kasancewa a rufe har sai an kammala bincike.
Daga : Chibuzo Obidike
#absradiotelevision
