Niger, Mali, Burkina Faso sun fice daga ECOWAS a hukumance

 Kasashen yammacin Afirka uku da su ka koma mulkin soja, Nijar da Mali da Burkina Faso sun fice daga kungiyar ECOWAS a hukumance.

Kungiyar ƙasashen uku ta bayyana hakan ne a wata sanarwa da ta fitar a yau Laraba.

Hakan dai ya kawo karshen yunkurin da kungiyar ECOWAS ta kwashe shekara guda ta na yi na shawo kan kasashen su sake tunanin ficewa daga kungiyar.

Ƙasashen uku sun soki ECOWAS da nuna halin ko-in-kula wajen taimaka musu a yakin da suke yi da ta'addanci.